Message of Christmas

യെശയ്യാ 7:14 

"...കന്യക ഗർഭിണിയായി ഒരു മകനെ പ്രസവിക്കും; അവന്നു ഇമ്മാനൂവേൽ എന്നു പേർ വിളിക്കും."

ക്രിസ്തുവിന്റെ ജനനം നമുക്ക് നൽകുന്ന സന്ദേശം:

യേശുവിന്റെ ജനനം ആഘോഷിക്കപ്പെടുമ്പോൾ അതിൽ മറഞ്ഞിരിക്കുന്ന ചില കാര്യങ്ങൾ കൂടെയുണ്ട്.അത് എന്തൊക്കെയാണെന്ന്  വചനത്തിൽ നിന്നും നോക്കാം.

• ഈ ഭൂമിയിൽ ജനിച്ചതും ജനിക്കുവാനിരിക്കുന്നതുമായ ഒരു മനുഷ്യനുമായി യേശുവിനെ താരതമ്യം ചെയ്യുവാൻ കഴികയില്ല. ഇന്നുവരെ ഒരു മനുഷ്യനും കന്യകയിൽ ജനിച്ചിട്ടില്ല. 
• ദൈവത്തിന്റെ ആത്മാവായ പരിശുദ്ധാത്മാവിന് പ്രവർത്തിക്കുവാൻ കഴിയാത്തതായ യാതൊരു മേഖലയുമില്ല. 

👉കന്യക ഗർഭം ധരിച്ചത് പരിശുദ്ധാത്മാവിനാലാണ്  മത്തായി 1:18 എന്നാൽ യേശുക്രിസ്തുവിന്റെ ജനനം ഈ വണ്ണം ആയിരുന്നു......അവർ കൂടിവരുമ്മുമ്പെ പരിശുദ്ധാത്മാവിനാൽ ഗർഭിണിയായി....

• പ്രശ്നം വരും മുന്നേ പരിഹാരം ദൈവം ഒരുക്കും.നാം പ്രാർത്ഥിക്കാൻ ചിന്തിക്കും മുന്നേ തന്നെ ദൈവം നമ്മുടെ പ്രാർത്ഥനയുടെ മറുപടി ഒരുക്കിയിരിക്കും.

👉മത്തായി 1:18 എന്നാൽ യേശുക്രിസ്തുവിന്റെ ജനനം ഈ വണ്ണം ആയിരുന്നു. അവന്റെ അമ്മയായ മറിയ യോസേഫിന്നു വിവാഹം നിശ്ചയിക്കപ്പെട്ടശേഷം അവർ കൂടിവരുമ്മുമ്പെ പരിശുദ്ധാത്മാവിനാൽ ഗർഭിണിയായി എന്നു കണ്ടു.

• നമുക്കായി വാദിക്കുന്ന ദൈവം.

👉മത്തായി 1:20...കർത്താവിന്റെ ദൂതൻ അവന്നു സ്വപ്നത്തിൽ പ്രത്യക്ഷനായി: ദാവീദിന്റെ മകനായ യോസേഫേ, നിന്റെ ഭാര്യയായ മറിയയെ ചേർത്തുകൊൾവാൻ ശങ്കിക്കേണ്ടാ; അവളിൽ ഉല്പാദിതമായതു പരിശുദ്ധാത്മാവിനാൽ ആകുന്നു.

• ദൈവത്തിനു വേണ്ടി നാം പൂർണ്ണ സമർപ്പണത്തോടെ ദൈവഹിത പ്രകാരം ചെയ്യുന്ന പ്രവർത്തികളാൽ ലോകം നമ്മെ പകച്ചാലും ദൈവം നമ്മെ മാനിക്കും, നമുക്കായി പ്രവർത്തിക്കും. 

👉മത്തായി 1:20 ഇങ്ങനെ നിനെച്ചിരിക്കുമ്പോൾ കർത്താവിന്റെ ദൂതൻ അവന്നു സ്വപ്നത്തിൽ പ്രത്യക്ഷനായി: ദാവീദിന്റെ മകനായ യോസേഫേ, നിന്റെ ഭാര്യയായ മറിയയെ ചേർത്തുകൊൾവാൻ ശങ്കിക്കേണ്ടാ; അവളിൽ ഉല്പാദിതമായതു പരിശുദ്ധാത്മാവിനാൽ ആകുന്നു.

• ദൈവം വാഗ്ദത്തം പറഞ്ഞിട്ടു വർഷങ്ങൾ കടന്നു പോയാലും നാം ആ വാഗ്ദത്തം മറന്നു പോയാലും താൻ പറഞ്ഞത് ദൈവം നിവർത്തിക്ക തന്നേ ചെയ്യും.

👉ക്രിസ്തു ജനിക്കുന്നതിനു 2000 വർഷം മുന്നെയാണ് ഈ പ്രവചനമുണ്ടായതു. മത്തായി1:22, 23 “കന്യക ഗർഭിണിയായി ഒരു മകനെ പ്രസവിക്കും. അവന്നു ദൈവം നമ്മോടുകൂടെ എന്നർത്ഥമുള്ള ഇമ്മാനൂവേൽ എന്നു പേർവിളിക്കും”എന്നു കർത്താവു പ്രവാചകൻമുഖാന്തരം അരുളിച്ചെയ്തതു നിവൃത്തിയാകുവാൻ ഇതൊക്കെയും സംഭവിച്ചു.

• മനുഷ്യൻ മനുഷ്യനെ വിലയിടുന്ന അളവുകോൽ കൊണ്ടല്ല ദൈവം മനുഷ്യനെ മാനിക്കുന്നത്. ദൈവത്തിന്റെ ചിന്തകളും പ്രവർത്തികളും വ്യത്യസ്തവും മനുഷ്യ മനസിനാൽ ഗ്രഹിക്കാൻ കഴിയാത്തതുമാണ്.

👉മനുഷ്യ മനസിനാൽ ചിന്തിച്ചാൽ ക്രിസ്തു കാലിതൊഴുത്തിലല്ല കൊട്ടാരത്തിൽ ആയിരുന്നു കിടക്കേണ്ടത്. ലൂക്കോസ് 2:7 അവൾ ആദ്യജാതനായ മകനെ പ്രസവിച്ചു, ശീലകൾ ചുറ്റി വഴിയമ്പലത്തിൽ അവർക്കു സ്ഥലം ഇല്ലായ്കയാൽ പശുത്തൊട്ടിയിൽ കിടത്തി.