നമ്മുടെ പെസഹാ കുഞ്ഞാട് - Our Passover Lamb

👉എന്താണ് പെസഹ?

🟢യിസ്രായേൽ മക്കളുടെ മിസ്രയീമിൽ നിന്നും കാനാനിലേക്കുള്ള യാത്രയുടെ ഒരുക്കമായിരുന്നു ആയിരുന്നു പെസഹ.

🔴പുറപ്പാട്12:3-11

• നിങ്ങൾ യിസ്രായേലിന്റെ സർവ്വസംഘത്തോടും പറയേണ്ടതു എന്തെന്നാൽ: ഈ മാസം പത്താം തിയ്യതി അതതു കുടുംബത്തിന്നു ഒരു ആട്ടിൻകുട്ടി വീതം ഓരോരുത്തൻ ഓരോ ആട്ടിൻകുട്ടിയെ എടുക്കേണം.
• ആട്ടിൻകുട്ടിയെ തിന്നുവാൻ വീട്ടിലുള്ളവർ പോരായെങ്കിൽ ആളുകളുടെ എണ്ണത്തിന്നു ഒത്തവണ്ണം അവനും അവന്റെ വീട്ടിന്നടുത്ത അയൽക്കാരനും കൂടി അതിനെ എടുക്കേണം. ഓരോരുത്തൻ തിന്നുന്നതിന്നു ഒത്തവണ്ണം കണക്കുനോക്കി നിങ്ങൾ ആട്ടിൻകുട്ടിയെ എടുക്കേണം.
• ആട്ടിൻകുട്ടി ഊനമില്ലാത്തതും ഒരു വയസ്സു പ്രായമുള്ള ആണുമായിരിക്കേണം; അതു ചെമ്മരിയാടോ കോലാടോ ആകാം.
• ഈ മാസം പതിന്നാലാം തിയ്യതിവരെ അതിനെ സൂക്ഷിക്കേണം. യിസ്രായേൽസഭയുടെ കൂട്ടമെല്ലാം സന്ധ്യാസമയത്തു അതിനെ അറുക്കേണം.
• അതിന്റെ രക്തം കുറെ എടുത്തു തങ്ങൾ തിന്നുന്ന വീടുകളുടെ വാതിലിന്റെ കട്ടളക്കാൽ രണ്ടിന്മേലും കുറുമ്പടിമേലും പുരട്ടേണം.
• അന്നു രാത്രി അവർ തീയിൽ ചുട്ടതായ ആ മാംസവും പുളിപ്പില്ലാത്ത അപ്പവും തിന്നേണം; കൈപ്പുചീരയോടുകൂടെ അതു തിന്നേണം.
• തലയും കാലും അന്തർഭാഗങ്ങളുമായി തീയിൽ ചുട്ടിട്ടല്ലാതെ പച്ചയായിട്ടോ വെള്ളത്തിൽ പുഴുങ്ങിയതായിട്ടോ തിന്നരുതു.
• പിറ്റെന്നാൾ കാലത്തേക്കു അതിൽ ഒട്ടും ശേഷിപ്പിക്കരുതു; പിറ്റെന്നാൾ കാലത്തേക്കു ശേഷിക്കുന്നതു നിങ്ങൾ തീയിലിട്ടു ചുട്ടുകളയേണം.
• അര കെട്ടിയും കാലിന്നു ചെരിപ്പിട്ടും കയ്യിൽ വടി പിടിച്ചുംകൊണ്ടു നിങ്ങൾ തിന്നേണം; തിടുക്കത്തോടെ നിങ്ങൾ തിന്നേണം; അതു യഹോവയുടെ പെസഹ ആകുന്നു.

👉യേശുവിന്റെ പെസഹ:

🔴മത്തായി 26:17-19

• പുളിപ്പില്ലാത്ത അപ്പത്തിന്റെ ഒന്നാം നാളിൽ ശിഷ്യന്മാർ യേശുവിന്റെ അടുക്കൽ വന്നു: നീ പെസഹ കഴിപ്പാൻ ഞങ്ങൾ ഒരുക്കേണ്ടതു എവിടെ എന്നു ചോദിച്ചു.
• അതിന്നു അവൻ പറഞ്ഞതു: “നിങ്ങൾ നഗരത്തിൽ ഇന്നവന്റെ അടുക്കൽ ചെന്നു: എന്റെ സമയം അടുത്തിരിക്കുന്നു; ഞാൻ എന്റെ ശിഷ്യരുമായി നിന്റെ അടുക്കൽ പെസഹ കഴിക്കും എന്നു ഗുരു പറയുന്നു എന്നു പറവിൻ.”
• ശിഷ്യന്മാർ യേശു കല്പിച്ചതുപോലെ ചെയ്തു പെസഹ ഒരുക്കി.

🔴പുറപ്പാട് 12:14 

"ഈ ദിവസം നിങ്ങൾക്കു ഓർമ്മനാളായിരിക്കേണം; നിങ്ങൾ അതു യഹോവെക്കു ഉത്സവമായി ആചരിക്കേണം. തലമുറതലമുറയായും നിത്യനിയമമായും നിങ്ങൾ അതു ആചരിക്കേണം."

🟢മിസ്രയീമിൽ നിന്നും പുറപ്പെട്ടതിന്റെയും സംഹാരകനിൽ നിന്നും സംരക്ഷിക്കപ്പെട്ടതിന്റെയും വീണ്ടെടുക്കപ്പെട്ടതിന്റെയും ഓർമ്മക്കായി ആചരിച്ചുവന്ന ഉത്സവമായിരുന്നു യേശു ആചരിച്ച പെസഹ.

👉പെസഹാ കുഞ്ഞാടായ ക്രിസ്തു:

🔴1 കൊരിന്ത്യർ 5:7 

• "...നമ്മുടെ പെസഹക്കുഞ്ഞാടും അറുക്കപ്പെട്ടിരിക്കുന്നു; ക്രിസ്തു തന്നേ."

🔴1 പത്രൊസ്1:18, 19

• വ്യർത്ഥവും പിതൃപാരമ്പര്യവുമായുള്ള നിങ്ങളുടെ നടപ്പിൽനിന്നു നിങ്ങളെ വീണ്ടെടുത്തിരിക്കുന്നതു പൊന്നു, വെള്ളി മുതലായ അഴിഞ്ഞുപോകുന്ന വസ്തുക്കളെക്കൊണ്ടല്ല,
• ക്രിസ്തു എന്ന നിർദ്ദോഷവും നിഷ്കളങ്കവുമായ കുഞ്ഞാടിന്റെ വിലയേറിയ രക്തംകൊണ്ടത്രേ എന്നു നിങ്ങൾ അറിയുന്നുവല്ലോ.

🟢നമുക്കായി ഉള്ള പെസഹ കുഞ്ഞാട് ക്രിസ്തുവായതിനാൽ ക്രിസ്തുവിന്റെ കുരിശു മരണത്താൽ നമ്മുടെ കുഞ്ഞാട് അറുക്കപ്പെട്ടു. ക്രിസ്തു യാഗമായി തീർന്നതിനാൽ ക്രിസ്തുവിന്റെ രക്തവും ശരീരമാകുന്ന അപ്പവും കൈകൊണ്ടു കൊണ്ട് നാം നമ്മുക്കായി യേശു ഒരുക്കിയ പുതിയ നിയമത്തിലെ പെസഹ ആചരിക്കുന്നു.

🔴യോഹന്നാൻ 6:51

• സ്വർഗ്ഗത്തിൽനിന്നു ഇറങ്ങിയ ജീവനുള്ള അപ്പം ഞാൻ ആകുന്നു; ഈ അപ്പം തിന്നുന്നവൻ എല്ലാം എന്നേക്കും ജീവിക്കും; ഞാൻ കൊടുപ്പാനിരിക്കുന്ന അപ്പമോ ലോകത്തിന്റെ ജീവന്നു വേണ്ടി ഞാൻ കൊടുക്കുന്ന എന്റെ മാംസം ആകുന്നു.”  

🔴മത്തായി 26:26-28

• അവർ ഭക്ഷിക്കുമ്പോൾ യേശു അപ്പം എടുത്തു വാഴ്ത്തി നുറുക്കി ശിഷ്യന്മാർക്കു കൊടുത്തു: “വാങ്ങി ഭക്ഷിപ്പിൻ; ഇതു എന്റെ ശരീരം” എന്നു പറഞ്ഞു.പിന്നെ പാനപാത്രം എടുത്തു സ്തോത്രം ചൊല്ലി അവർക്കു കൊടുത്തു: “എല്ലാവരും ഇതിൽനിന്നു കുടിപ്പിൻ. 
• ഇതു അനേകർക്കുവേണ്ടി പാപമോചനത്തിന്നായി ചൊരിയുന്ന പുതിയനിയമത്തിന്നുള്ള എന്റെ രക്തം;

🟢യേശു പെസഹാ ആചരിക്കുമ്പോൾ അറുക്കപ്പെടാൻ പോകുന്ന പെസഹാ കുഞ്ഞാടായ തന്റെ ശരീരത്തെ അപ്പത്തോടും സംഹാരകൻ തന്നിൽ വിശ്വസിക്കുന്നവരെ തൊടാതിരിക്കാൻ ഉള്ള കുഞ്ഞാടിന്റെ രക്തം, യേശുവിന്റെ സ്വന്ത രക്തം മുന്തിരിവള്ളിയുടെ അനുഭവത്തോടും ഉപമിച്ച് നമുക്കായി തന്നു.

🔴1 കൊരിന്ത്യർ11:23-26

• ഞാൻ കർത്താവിങ്കൽനിന്നു പ്രാപിക്കയും നിങ്ങൾക്കു ഏല്പിക്കയും ചെയ്തതു എന്തെന്നാൽ: കർത്താവായ യേശുവിനെ കാണിച്ചുകൊടുത്ത രാത്രിയിൽ അവൻ അപ്പം എടുത്തു സ്തോത്രം ചൊല്ലി നുറുക്കി:
• ഇതു നിങ്ങൾക്കു വേണ്ടിയുള്ള എന്റെ ശരീരം; എന്റെ ഓർമ്മെക്കായി ഇതു ചെയ്‍വിൻ എന്നു പറഞ്ഞു.
• അവ്വണ്ണം തന്നേ അത്താഴം കഴിഞ്ഞശേഷം അവൻ പാനപാത്രവും എടുത്തു; ഈ പാനപാത്രം എന്റെ രക്തത്തിൽ പുതിയനിയമം ആകുന്നു; ഇതു കുടിക്കുമ്പോഴൊക്കെയും എന്റെ ഓർമ്മെക്കായി ചെയ്‍വിൻ എന്നു പറഞ്ഞു.
• അങ്ങനെ നിങ്ങൾ ഈ അപ്പം തിന്നുകയും പാനപാത്രം കുടിക്കയും ചെയ്യുമ്പോഴൊക്കെയും കർത്താവു വരുവോളം അവന്റെ മരണത്തെ പ്രസ്താവിക്കുന്നു.

👉പുതിയ നിയമ പെസഹാ കുഞ്ഞാടിനെ സ്വീകരിക്കുന്നുവർ അനുസരിക്കേണ്ടുന്ന ചട്ടങ്ങൾ:

🟢നാം കർത്താവിന്റെ ശരീരരക്തങ്ങൾ കൈകൊള്ളുമ്പോൾ നിസാരമായി കൈകൊള്ളുന്നവരാകുന്നുവെങ്കിൽ നമുക്ക് തന്നെ ശിക്ഷാവിധി വരുത്തിവയ്ക്കുന്നവർ ആക്കും. അതിനാൽ കർത്താവിന്റെ മേശ കൈകൊള്ളുമ്പോൾ,

1. അയോഗ്യമായി തിന്നരുത് 

🔴1 കൊരിന്ത്യർ 11:27

• അതുകൊണ്ടു അയോഗ്യമായി അപ്പം തിന്നുകയോ കർത്താവിന്റെ പാനപാത്രം കുടിക്കയോ ചെയ്യുന്നവൻ എല്ലാം കർത്താവിന്റെ ശരീരവും രക്തവും സംബന്ധിച്ചു കുറ്റക്കാരൻ ആകും.

2.സ്വയം ശോധന ചെയ്യുക 

🔴1 കൊരിന്ത്യർ 11:28

• മനുഷ്യൻ തന്നെത്താൻ ശോധന ചെയ്തിട്ടുവേണം ഈ അപ്പം തിന്നുകയും പാനപാത്രത്തിൽനിന്നു കുടിക്കയും ചെയ്‍വാൻ.

🔴1 യോഹന്നാൻ 2:9

• വെളിച്ചത്തിൽ ഇരിക്കുന്നു എന്നു പറകയും സഹോദരനെ പകെക്കയും ചെയ്യുന്നവൻ ഇന്നെയോളം ഇരുട്ടിൽ ഇരിക്കുന്നു.

3.ക്രിസ്തുവിന്റെ ശരീരമാണ് ഭക്ഷിക്കുന്നത് എന്ന വിവേചന ബോധത്തോടെ കൈക്കൊള്ളണം 

🔴1 കൊരിന്ത്യർ 11:29 

• തിന്നുകയും കുടിക്കയും ചെയ്യുന്നവൻ ശരീരത്തെ വിവേചിക്കാഞ്ഞാൽ തനിക്കു ശിക്ഷാവിധി തിന്നുകയും കുടിക്കയും ചെയ്യുന്നു.

4.നമ്മെ തന്നെ വിധിക്കേണം 

🔴1 കൊരിന്ത്യർ 11:31

• നാം നമ്മെത്തന്നേ വിധിച്ചാൽ വിധിക്കപ്പെടുകയില്ല.

🔴മർക്കൊസ് 11:25,26

• നിങ്ങൾ പ്രാർത്ഥിപ്പാൻ നില്ക്കുമ്പോൾ സ്വർഗ്ഗസ്ഥനായ നിങ്ങളുടെ പിതാവു നിങ്ങളുടെ പിഴകളെയും ക്ഷമിക്കേണ്ടതിന്നു നിങ്ങൾക്കു ആരോടെങ്കിലും വല്ലതും ഉണ്ടെങ്കിൽ അവനോടു ക്ഷമിപ്പിൻ.
• നിങ്ങൾ ക്ഷമിക്കാഞ്ഞാലോ സ്വർഗ്ഗസ്ഥനായ നിങ്ങളുടെ പിതാവു നിങ്ങളുടെ പിഴകളെയും ക്ഷമിക്കയില്ല.

🔴മത്തായി 6:12

• ഞങ്ങളുടെ കടക്കാരോടു ഞങ്ങൾ ക്ഷിമിച്ചിരിക്കുന്നതുപോലെ ഞങ്ങളുടെ കടങ്ങളെ ഞങ്ങളോടും ക്ഷമിക്കേണമേ; 

5.ചെറിയ തിന്മകൾ പോലും തിരുത്തി ജീവിക്കുക 

🔴1 കൊരിന്ത്യർ 5:6

• ...അസാരം പുളിമാവു പിണ്ഡത്തെ മുഴുവനും പുളിപ്പിക്കുന്നു എന്നു അറിയുന്നില്ലയോ?

🔴1 കൊരിന്ത്യർ 5:7

• നിങ്ങൾ പുളിപ്പില്ലാത്തവരായിരിപ്പാൻ തക്കവണ്ണം പുതിയ പിണ്ഡം ആകേണ്ടതിന്നു പഴയ പുളിമാവിനെ നീക്കിക്കളവിൻ. 

🔴1 കൊരിന്ത്യർ 5:8

• ആകയാൽ നാം പഴയ പുളിമാവുകൊണ്ടല്ല, തിന്മയും ദുഷ്ടതയും ആയ പുളിമാവുകൊണ്ടുമല്ല, സ്വച്ഛതയും സത്യവുമായ പുളിപ്പില്ലായ്മകൊണ്ടുതന്നേ ഉത്സവം ആചരിക്ക.

🔴1 പത്രൊസ്1:14, 15

• പണ്ടു നിങ്ങളുടെ അജ്ഞാനകാലത്തു ഉണ്ടായിരുന്ന മോഹങ്ങളെ മാതൃകയാക്കാതെ
• നിങ്ങളെ വിളിച്ച വിശുദ്ധന്നു ഒത്തവണ്ണം അനുസരണമുള്ള മക്കളായി എല്ലാനടപ്പിലും വിശുദ്ധരാകുവിൻ.

🔴1 പത്രൊസ് 1:17

• മുഖപക്ഷം കൂടാതെ ഓരോരുത്തന്റെ പ്രവൃത്തിക്കു തക്കവണ്ണം ന്യായം വിധിക്കുന്നവനെ നിങ്ങൾ പിതാവു എന്നു വിളിക്കുന്നു എങ്കിൽ നിങ്ങളുടെ പ്രവാസകാലം ഭയത്തോടെ കഴിപ്പിൻ.

👉കർത്താവിന്റെ ശരീരരക്തങ്ങൾ കൈകൊള്ളാതെ ജീവിച്ചാലോ?!!!

🟢ഞാൻ യോഗ്യനല്ല എന്ന് കരുതി ഭക്ഷിക്കാതിരുന്നാലോ നമ്മുക്കുള്ളിൽ ക്രിസ്തു ഇല്ലാതെയാകും. ക്രിസ്തുവിന്റെ ജീവൻ നമ്മിൽ വ്യാപാരിക്കണമെങ്കിൽ കർത്താവിന്റെ മേശ കൈക്കൊള്ളണം. പാപിയാണെന്ന ബോധ്യമുണ്ടായിട്ട് പാപങ്ങൾ ഏറ്റുപറഞ്ഞു ഉപേക്ഷിക്കാതെ മേശക്കു യോഗ്യനല്ലെന്ന് പറഞ്ഞു മാറി നിൽക്കാൻ നമുക്ക് കഴിയില്ല. നിരന്തരം പാപങ്ങൾ ഏറ്റു പറഞ്ഞു ഉപേക്ഷിച്ചു തെറ്റുകൾ തിരുത്തി ജീവിക്കാനുള്ള അവസരമാണ് ഓരോ കർത്തൃമേശയും.  

🔴യോഹന്നാൻ 6:53

• യേശു അവരോടു പറഞ്ഞതു: “ആമേൻ, ആമേൻ, ഞാൻ നിങ്ങളോടു പറയുന്നു: നിങ്ങൾ മനുഷ്യപുത്രന്റെ മാംസം തിന്നാതെയും അവന്റെ രക്തം കുടിക്കാതെയും ഇരുന്നാൽ നിങ്ങൾക്കു ഉള്ളിൽ ജീവൻ ഇല്ല.

🔴യോഹന്നാൻ 6:54

• എന്റെ മാംസം തിന്നുകയും എന്റെ രക്തം കുടിക്കയും ചെയ്യുന്നവന്നു നിത്യജീവൻ ഉണ്ടു; ഞാൻ ഒടുക്കത്തെ നാളിൽ അവനെ ഉയിർത്തെഴുന്നേല്പിക്കും. 

🟢നാം കർത്താവിനെ അറിഞ്ഞതും കർത്താവു സ്വയം കഷ്ട്ടമനുഭവിച്ചും വേദനസഹിച്ചും നമുക്കായി സ്വന്ത ജീവൻ യാഗമായി തന്നതും നമ്മുടെ രക്ഷിക്കും നമുക്ക് നിത്യജീവൻ ലഭിക്കാനുമാണ്. യിസ്രായേൽ മക്കൾ അരക്കെട്ടിയും ചെരുപ്പിട്ടും യാത്രക്ക് തയ്യാറായി പെസഹ ആചരിച്ചതുപോലെ, നിത്യതയിലേക്കുള്ള ഒരുക്കത്തോടെ ഓരോ മേശയിലും ലോകത്തോടുള്ള അകലം കൂട്ടിയും കർത്താവിനോടുള്ള അകലം കുറച്ചും ജീവിക്കാം.

🟢പെസഹ ആചരിച്ച ശേഷം മിസ്രയീം നിന്നും പുറപ്പെട്ടു മരുഭൂമിയിലൂടെയും യുദ്ധങ്ങളിലൂടെയും ഒക്കെ കടന്നു പോയ ശേഷം അവർ വാഗ്ദത്ത നാടായ കനാനിൽ എത്തി.

അതുപോലെ നമുക്കായി നല്കപ്പെട്ട കുഞ്ഞാടിന്റെ മാംസം തിന്നുകയും രക്തം കുടിക്കികയും ചെയ്ത് നമ്മുടെ ജീവിതമാകുന്ന മരുഭൂമിയിലൂടെയും ആത്മീക യുദ്ധങ്ങളിലൂടെയും കടന്ന് അവയെ ജയിക്കുമ്പോൾ കർത്താവു താൻ വാഗ്ദത്തം ചെയ്ത സ്വർഗ്ഗീയ കാനാനിൽ നാമും എത്തി ചേരും.